ArmLur.am-ի խմբագրություն է դիմել Երևանի բնակչուհի Սոնա Սարգսյանը: Բանն այն է, որ ըստ մեր զրուցակցի, Գեղարքունիքի մարզի Սարուխան համայնքի ղեկավար՝ Լյովա Աբրահամյանի կողմից վերջինս ստացել է Սարուխան համայնքում վարպետության դասեր անցկացնելու հրավեր, սակայն որոշ ժամանակ աշխատելուց հետո Լյովա Սարգսյանը հրաժարվել է վճարել Սոնա Սարգսյանին հասանելիք 160 հազար դրամ աշխատավարձը:
«Ես ունեմ աշխատանքային պայմանագիր, որի բոլոր կետերը Լյովա Աբրահամյանը խախտել է, բազմիցս դիմել եմ նրան, որպեսզի վճարի իմ աշխատավարձը, բայց դրա դիմաց ստացել եմ միայն վիրավորանքներ, սպառնալիքներ, հետապնդումներ: Իմ խնամքին է անչափահաս երեխա, որի կարիքները հոգալու համար ես ընդամենը պահանջել եմ իմ վաստակած գումարը: Ես նաև դիմել եմ ոստիկանությանը:»,-նշեց մեր զրուցակիցը:
Այս առնչությամբ ArmLur.am-ը մեկնաբանության համար դիմեց Սարուխան համայնքի ղեկավար Լյովա Աբրահամյանին, ով հերքեց:
Հավելենք նաև՝ Սարուխան համայնքի ղեկավար Լյովա Աբրահամյանը մշտապես հայտնվում է իրավապահների ուշադրության կենտրոնում:
Մանրամասները՝ ArmLur.am-ի տեսանյութում:
Լիդա Եղիազարյան
.gif)
