Շնորհավոր մեր տոնը, սիրելի գործընկերներ:
Այո, այսօր Մամուլի ազատության համաշխարհային օրն է, որ հռչակվել է ՄԱԿ-ի Գլխավոր ասամբլեայի կողմից 1993 թվականին: Այն, որոշակի իմաստով, լրագրողների մասնագիտական տոն է համարվում: Դրանից հետո յուրաքանչյուր տարի մայիսի 3-ին նշվում է ազատ մամուլի պաշտպանության, ողջ աշխարհում մամուլի ազատության գնահատման, մասնագիտական պարտականությունների կատարման ընթացքում զոհված լրագրողների հիշատակի օրը:
Աշխարհի երկրներում մամուլի ազատության իրավիճակն ուսումնասիրող “Freedom House” ամերիկյան հեղինակավոր կազմակերպության 2010թ.-ի հրապարակած զեկույցի համաձայն` աշխարհի 196 երկրից 35 տոկոսում մամուլն ազատ է, 33 տոկոսում` մասամբ ազատ, 32 տոկոսում` ոչ ազատ։
Աշխարհում վեց մարդուց ընդամենը մեկն է ապրում ազատ մամուլ ունեցող երկրում։ Հայաստանը դասվել է մամուլի առումով ոչ ազատ երկրների շարքին (146-րդ) և Կամերունի, Մարոկկոյի, Քաթարի հետ միասին, որոնք 147-150-րդ տեղերում են, ունի նույն ցուցանիշը:
Մամուլի ազատության առումով առաջատար երկրներն են Ֆինլանդիան, Իսլանդիան, Նորվեգիան, Շվեդիան, Դանիան, Բելգիան, Լյուքսեմբուրգը, Անդորրան, Շվեյցարիան, Լիխտենշտեյնը:
.gif)
