ԱՍՈՒԼԻՍՆԵՐ`
Հոկտեմբերի 24-ին Երևանում ժամը 9:00-ին Անի պլազա հյուրանոցի Անի սրահում մեկնարկելու է ՀՀ տարածքային կառավարման և զարգացման նախարարության և Արևելյան Գործընկերության ռեգիոնալ և տեղական իշխանությունների համաժողովի (CORLEAP) <<ՆՈՐԱՐԱՐՈՒԹՅՈՒՆՆԵՐԸ ԵՎ ՏԱՐԱԾՔԱՅԻՆ ԶԱՐԳԱՑՈՒՄԸ՝ ՈՐՊԵՍ ԱՐԵՎԵԼՅԱՆ ԳՈՐԾԸՆԿԵՐՈՒԹՅԱՆ ԵՐԿՐՆԵՐԻ ԱՃԻ ԳՈՐԾՈՆՆԵՐ>> խորագրով համաժողովը:
Համաժողովում բացման խոսքով հանդես են գալու ՀՀ ՏԿԶ նախարար Դավիթ Լոքյանը, Հայաստանում ԵՄ պատվիրակության ղեկավար Պյոտր Սվիտալսկին, ՀՀ արտաքին գործերի նախարարի տեղակալ Կարեն Նազարյանը, Գդանսկի քաղաքապետ, Ռեգիոնների եվրոպական կոմիտեի և CORLEAP-ի անդամ Պավել Ադամովիչը:
Ելույթներից հետո ժամը 10:00-ից մինչև 10:30-ին տեղի կունենա մամլո ասուլիս:
Եվրոպական Միության հետ Հայաստանի համագործակցության օրակարգի մշտական գերակայություններից են տեղական ժողովրդավարության ամրապնդման և զարգացման հարցերը: Համաժողովի տարբեր նիստերում քննարկվելու են մի շարք թեմաներ՝ էլեկտրոնային կառավարման նպաստը Հայաստանում վարչատարածքային բարեփոխումների իրականացման համատեքստում, տարածաշրջանային համագործակցության կարևորությունը ռեգիոնալ և տեղական զարգացման խթանման գործում, ռեգիոնալ և տեղական զարգացման տնտեսական օգուտները և այլն:
***
Հոկտեմբերի 24-ին՝ ժամը 12:00-ին, «Հենարան» մամուլի ակումբում կհյուրընկալվի Վրաստանի հարցերով փորձագետ Ջոնի Մելիքյանը:
ԹԵՄԱ հոկտեմբերի 21-ին Վրաստանում տեղի ունեցած ՏԻՄ ընտրությունները և հայ համայնքը:
Հոկտեմբերի 24-ին, ժամը 11:00-ին «Ելակետ» մամուլի ակումբում տեղի կունենա ««Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին օրենք»-ը առավելություները կամ խնդրահարույց լինելը» թեմայով մամլո ասուլիսը:
Բանախոսն է կինոռեժիսոր Արշակ Զաքարյանը:
Բանախոսը կանդրադառնա օրենքին, դրա շուրջ ծավալված աղմուկին, ընտանիքներին սպառնացող վտանգին և թեմային առնչվող մի շարք այլ խնդիրների:
.gif)
