ՇՈՒՐՋՕՐՅԱ ԳՐԱՖԻԿՈՎ

Արձագանքելով շրջանառվող կեղծ լուրերին՝ Հայստանի Հանրապետության պետական եկամուտների կոմիտեն տեղեկացնում է, որ հանրապետության բոլոր մաքսակետերն աշխատում են բնականոն շուրջօրյա գրաֆիկով, եւ ավելին՝ ՊԵԿ նախագահի հանձնարարականի համաձայն՝ մաքսային ձեւակերպումների գործընթացն իրականացվում է հնարավորինս արագ եւ օպերատիվ՝ երկրի համար պատասխանատու պահին ապահովելով համակարգի անխափան աշխատանքը: Միաժամանակ տեղեկացնում ենք, որ, ռազմական դրությամբ պայմանավորված, բացի մաքսակետերից, նաեւ ամբողջ մաքսային ծառայությունն անցել է 24 ժամյա աշխատանքային գրաֆիկի, որն իրականացվում է հերթափոխով:

ԿԱՐՈՂ ԵՆ ՄՈՒՏՔ ԳՈՐԾԵԼ

Երեկվանից Հայաստանի քաղաքացիները կրկին կարող են մուտք գործել Ուկրաինա առանց սահմանափակման։ Այս մասին հայտնում է Ուկրաինայում ՀՀ դեսպանությունը: Հայտարարության մեջ նաեւ ասվում է. «Պայմանը COVID-19-ը ծածկող ապահովագրության առկայությունն է (բացառությամբ մշտական բնակության թույլտվություն ունեցողների համար)։ Մինչեւ հոկտեմբերի 2-ը Հայաստանից ժամանող ուղեւորները կարիք չունեն մեկուսանալու կամ COVID-19-ի թեստավորում անցնելու, քանի որ Հայաստանի Հանրապետության գտնվում է այսպես կոչված «կանաչ գոտում»։ Ուկրաինայի առողջապահության նախարարությունը յուրաքանչյուր ուրբաթ վերանայում է երկրների ցուցակը՝ կախված համավարակի տարածվածության աստիճանից:

ՀԱՍԱՐԱԿՈՒԹՅԱՆ ԾԱՆՈՒՑՈՒՄ

Շրջակա միջավայրի նախարարության լիցենզիաների, թույլտվությունների եւ համաձայնեցումների վարչության կողմից ՀՀ ջրային օրենսգրքի եւ ՀՀ կառավարության 07.03.2003թ. N217-Ն եւ N218-Ն որոշումների պահանջների համաձայն՝ մշակվում է Կոտայքի մարզի Մայակովսկի համայնքի վարչական տարածքում արդյունաբերական /խոզաբուծություն/ նպատակով մեկ նոր խորքային հորից 0.8 լ/վ ջրաքանակով ջրօգտագործման թույլտվության նախագիծը։ Բոլոր շահագրգիր անձինք, ովքեր կցանկանան ծանոթանալ փաստաթղթի մշակման աշխատանքներին եւ փաստաթղթի նախագծի նախնական տարբերակին, կարող են աշխատանքային օրերին՝ ժամը 17-ից-18-ը, դիմել ջրային ռեսուրսների կառավարման եւ պահպանության մարմին (հասցեն՝ Կառավարական 3-րդ տուն, 5-րդ հարկ)։ Ծանուցմամբ ներկայացված փաստաթղթի նախագծի նախնական տարբերակի վերաբերյալ դիտողություններ եւ առաջարկություններ ներկայացնելու դեպքում փաստաթղթի քննարկումը տեղի  կունենա  2020թ.  հոկտեմբերի  6-ին՝ ժամը 16:00-ին, Կառավարական 3-րդ տուն, 5-րդ   (տարեթիվը,  ամիսը, ամսաթիվը) հարկ, 541 սենյակ։

Շրջակա միջավայրի նախարարություն

ՀԱՏՈՒԿ ԱՇԽԱՏԱՆՔՆԵՐ

Ներկայումս «Վիվա-ՄՏՍ»-ի բջջային ցանցի տեղեկատվական ենթակառուցվածքում պարտադրված ենք իրականացնել հատուկ աշխատանքներ, որոնց պատճառով առանձին ծառայությունների տրամադրումը, ինչպես նաեւ Զանգերի կենտրոնի (111) աշխատանքը ժամանակավորապես իրականացվում է սահմանափակ ծավալով: Այս մասին հայտարարություն է տարածել «Վիվա-ՄՏՍ»-ը։ «Հարգելի՛ բաժանորդներ, տեղեկացնում ենք, որ ներկայումս «Վիվա-ՄՏՍ»-ի բջջային ցանցի տեղեկատվական ենթակառուցվածքում պարտադրված ենք իրականացնել հատուկ աշխատանքներ, որոնց պատճառով առանձին ծառայությունների տրամադրումը, ինչպես նաեւ Զանգերի կենտրոնի (111) աշխատանքը ժամանակավորապես իրականացվում է սահմանափակ ծավալով:

Բջջային ցանցի ձայնային ու տվյալների փոխանցման ծառայություները գործում են բնականոն ռեժիմով եւ ամբողջական ծավալով: Շնորհակալությո՛ւն ըմբռնման համար»,-ասվում է հայտարարության մեջ։

ԿԱՇԽԱՏԵՆ 24/7 ՌԵԺԻՄՈՎ

Հիմք ընդունելով Հայաստանի Հանրապետությունում հայտարարված ռազմական դրությունը՝ Հայաստանի Հանրապետության Նոտարական պալատը հասանելի կլինի 24/7 ռեժիմով։ Անհետաձգելի նոտարական գործողություններ կատարելու, մասնավորապես՝ կտակներ եւ լիազորագրեր վավերացնելու /կազմելու/ համար անհրաժեշտ է զանգահարել հետեւյալ հեռախոսահամարով՝ +374 43 555-772։