Վարդենիս խոշորացված համայնքի բնակիչները փակել են Երևան Վարդենիս ավտոմայրուղին՝ Ծովակ գյուղի հատվածում: Բնակիչները բողոքում են «Միասնական Վարդենիս» դաշինքի համայնաքապետի թեկնածու Արամ Հարությունյանի ձերբկալության դեմ:
Ինչպես փոխանցում է ArmLur.am-ի թղթակիցը, բողոքի ակցիայի մասնակիցներն ասում են, որ մինչև Արամ Հարությունյանը ազատության մեջ չհայտնվի, ճանապարհը չեն բացի: Տեղացիները սա որակում են որպես քաղաքական հետապնդում և նշում, որ ՔՊ-ն ամեն ինչ անում է, որպեսզի գործող համայնքապետին նորից նշանակի:
Հավելենք, որ տարածքում էր Գեղարքունիքի փոխմարզպետ Վահան Զարոյանը և մարզի ոստիկանապետը:
ArmLur.am-ը քիչ անց նաև տեսանյութ կհրապարկի դեպքի վայրից:
.gif)
