Հետազոտող Մարտին Քալիփը հոդված է հրապարակել Washington Times-ում, որտեղ խստորեն քննադատում է Առողջապահության համաշխարհային կազմակերպությանը։ Նրա խոսքով՝ ԱՀԿ-ն կորցրել է ողջախոհությունը, ինչի մասին են վկայում կազմակերպության ոչ ռացիոնալ գործողությունները։
Մայիսի վերջին Առողջապահության համաշխարհային կազմակերպության 76-րդ վեհաժողովի ընթացքում Հյուսիսային Կորեան ընտրվել է ԱՀԿ Գործադիր Խորհրդի անդամ։ Դժվար է հասկանալ, թե ինչու Կիմ Չեն Ունը որին աշխարհում վտարված անձ են համարում և մեղմ ասած չեն ընդունում, գրկաբաց ընդունվեց գործադիր մարմնի կողմից, որը որոշում է հանրային առողջության և հանրային առողջության քաղաքականության մոտեցումներն ամբողջ աշխարհում:
Իր շնորհակալական ելույթում Հյուսիսային Կորեայի ներկայացուցիչն անմիջապես օգտագործեց իր երկրի նոր բարձր հարթակը Ամերիկայի Միացյալ Նահանգներին քննադատելու համար, մատնանշելով մարդու իրավունքների ոլորտում վատթարագույն ցածրագույն ցուցանիշների համար, որոնք իրականում արտահայտվում են պարոն Կիմի բռնապետական ռեժիմի դեմ պատժամիջոցների միջոցներով:
Մարտին Քալիփը գրում է, որ ԱՀԿ-ի մեկ այլ լուռ դիվանագիտական քայլը համարվեց այն որ ԱՀԿ-ի գլխավոր տնօրեն Թեդրոս Ադհան Գեբրեյսուսը մայիսի 29-ին հանդիպեց Ռուսաստանի առողջապահության փոխնախարար Օլեգ Սալագայի հետ՝ քննարկելու «ռուսական աշխատանքը մոր և մանկան առողջության բարելավման ուղղությամբ»:
Միաժամանակ, ինչպես նշում է Քալիփը, ԱՀԿ-ն մայիսի 31-ին հայտարարված «Առանց ծխախոտի» համաշխարհային օրվան նվիրված հաշվետվություն է հրապարակել, որում գովաբանում է Ուկրաինայի կառավարությանը, այն բանի համար որ Ուկրաինան թույլ չի տվել, որ պատերազմն իրեն շեղի վեյփինգի համար նախատեսված անուշաբույր հեղուկների արգելքից: Դա հիշեցնում է 2016 թվականը, երբ ԱՀԿ-ն Իսլամական ահաբեկչական պետության կողմից ավերված Սիրիայի պաշտոնյաներին կոչ արեց ներմուծել ծխախոտի միանման փաթեթավորում՝ «չնայած երկրում տիրող ճգնաժամին»:
Պարոն Թեդրոսն անցած տարվա մայիսին վերընտրվեց առանց ԱՀԿ ղեկավարի պաշտոնի այլ թեկնածու-մրցակցի երկրորդ՝ հնգամյա ժամկետով, չնայած որ նրա ղեկավարության ժամանակ մի շարք սխալ քայլեր էին արձանագրվել: Առողջապահության համաշխարհային գործակալությունը լայնածավալ ծաղրի առարկա դարձավ, երբ գործադիր տնօրենը նշանակեց Զիմբաբվեի դաժան դիկտատոր Ռոբերտ Մուգաբեին որպես բարի կամքի դեսպան, իսկ վերջերս այն քննադատության էր ենթարկվել Չինաստանի կառավարությանը հառաչելու կամ քծնելու համար:
Քալիփը նշում է, որ Լայնորեն ընդունված է, որ ԱՀԿ-ն չարաչար ձախողվել է COVID-19-ի դեմ պայքարում։ Չնայած Չինաստանից վիրուսի արտահոսքի մասին հաղորդումներին, միայն 2020 թվականի մարտի կեսերին ԱՀԿ-ն վերջապես ընդունեց, որ վիրուսի համատարած ու լայնատարած փոխանցում կա բնակչության մեջ և համաճարակ հայտարարեց:
.gif)
