Հայաստանի վոլեյբոլի տղամարդկանց թիմը հաղթանակով մեկնարկեց ԱՊՀ խաղերում

Հայաստանի վոլեյբոլի տղամարդկանց հավաքականը հաղթանակով մեկնարկեց ԱՊՀ երկրորդ խաղերում:

«Արմենպրես»-ի թղթակցի հաղորդմամբ՝ Մինսկի «Սպորտային պալատ»-ում կայացած առաջին խաղում Հայաստանի ընտրանին մրցեց Արաբական Միացյալ Էմիրությունների թիմի հետ: Հայաստանի ընտրանին դիտարժան երեք մրցափուլերում էլ հաղթեց՝ գերազանցելով 3:0 հաշվով:

Հաջորդ հանդիպումը թիմը կանցկացնի օգոստոսի 9-ին՝ մրցելով Բելառուսի հավաքականի հետ: