Լևոն Արոնյանը երրորդ տեղն է զբաղեցրել Freestyle Chess GOAT Challenge մրցաշարում

Լևոն Արոնյանը մրցանակային տեղ է գրավել Freestyle Chess GOAT Challenge մրցաշարում, որը կոչվում է նաև Ֆիշերի մրցաշար:

ԱՄՆ-ի դրոշի ներքո հանդես եկող Արոնյանը 3-րդ տեղի համար պայքարում հաղթել է ուզբեկ Նոդիրբեկ Աբդուսատորովին:

Մրցաշարին մասնակցել է 8 շախմատիստ, այդ թվում՝ աշխարհի գործող չեմպիոն, չինացի Դին Լիժենը:

Ֆիշերի մրցաշարում հաղթել է ՖԻԴԵ-ի դասակարգման աղյուսակի առաջատար, նորվեգացի Մագնուս Կարլսենը, երկրորդ տեղն է գրավել ԱՄՆ-ը ներկայացնող իտալացի գրոսմայստեր Ֆաբիանո Կարուանան, որը կիսաեզրափակչում հաղթել էր Արոնյանին։