«Ժառանգությունում» հայտարարի չեն եկել

Ապրիլի 28-ին ԱԺ չորս ոչ իշխանական ուժերը կառավարության գործունեությանը անվստահություն են հայտնելու:

Այդ չորս ուժերից «Ժառանգություն» կուսակցության ոչ բոլոր անդամներն են, որ համաձայն են «Ժառանգության»  ԲՀԿ-ի հետ համագործակցությանը, քանի որ նրա ստվերում տեսնում են ՀՀ 2-րդ նախագահ Ռոբերտ Քոչարյանին:

Մասնավորապես Անահիտ Բախշյանը վերջերս հայտարարել էր. «ԲՀԿ-ն այսօր Հռոմի պապից ավելի կաթոլիկ է: Թե որքանով է դա ազնիվ,  որքանով կարող եմ դրան հավատալ, չգիտեմ, վախը մեջս կա: Կամ արդյոք ԲՀԿ-ի ետևում Քոչարյանի ականջները չե՞ն երևում: Եթե հանկարծ հասկանամ, որ ԲՀԿ-ի այս կեցվածքը Քոչարյանի գործոնով է պայմանավորված, կընդվզեմ «Ժառանգություն»-ԲՀԿ   համագործակցության դեմ:

Armlur.am  լրատվականը  «Ժառանգություն» կուսակցության առաջնորդ Րաֆֆի Հովհաննիսյանից հետաքրքրվեց` արդյոք ԲՀԿ-ի հետ համագործակցելիս «Ժառանգությունը» հաշվի է առել Քոչարյանի գործոնը:

Րաֆֆի Հովհաննիսյանն ասաց, որ ինքը հանդիպել  է Գագիկ Ծառուկյանի, ոչ թե Քոչարյանի հետ:

«Անահիտը մեր նվիրյալ անդամներից է, առաջատար քաղաքացի է, ինքն իր տեսակետն արտահայտելու իրավունքը»,- ասաց Հովհաննիսյանը:

-Այսինքն` այս գործընթացների ետևում չե՞ք  տեսնում  Քոչարյանի ստվերը:

-Դա իմ մտապատկերում ընդհանրապես չկա:

Սոնա Դավթյան