ՀՅԴ խմբակցության ղեկավար Արմեն Ռուստամյանը armlur.am լրատվականի թղթակցի հետ զրույցում ասաց, որ քեսաբահայերի խնդիրը կլուծվի այն ժամանակ, երբ կլուծվի Սիրիայի խնդիրը: «Քեսաբի հայկական համայնքը ձևավորված համայնք է և պետք է ամեն ինչ արվի, որ լուծվի այնտեղ անվտանգ մնալու հարցը»,- ասաց ՀՅԴ պատգամավորը:
Ինչ վերաբերում է Քեսաբին աջակցելու Հայաստանի ջանքերին, Ռուստամյանի խոսքով` ինչ-որ քայլեր արվում են, բայց դա բավարար չէ, արդյունքների մասին էլ վաղ է խոսել:
«Անհրաժեշտ է Քեսաբում բարձրացնել ինքնապաշտպանության մակարդակը մանավանդ այն վայրերում, որտեղ բնակվում են հայերը: Դա պետք է արվի Հայաստան-Սիրիա հարաբերությունների մակարդակով: Հայաստանը պետք է ակտիվ աշխատի դիվանագիտական դաշտում, որպեսզի սիրիահայերի պաշտպանության խնդիրը չանջատվի Սիրիայի ազգային փոքրամասնությունների խնդրից»,- եզրափակեց ՀՅԴ խմբակցության պատգամավորը:
.gif)
