Օրեր առաջ armlur.am-ը փոքրիկ հարցախույզ էր անցկացրել Երևանի փողոցներում ` պարզելու` ինչպես են վերաբերվում ՀՀ ԱԺ նախագահի թեկնածու Գալուստ Սահակյանին: Կարծիքները մեծ մասամբ բացասական էին:
Armlur.am լրատվականը հետաքրքրվեց Գալուստ Սահակյանից` արդյոք բացասական տրամադրություններն իրեն չեն մտահոգում, արդյոք չի նեղանում Գրիգորիչը այդ վատ կարծիքներից:
Ի պատասխան Գալուստ Սահակյանն ասաց, որ չի նեղանում իր հասցեին հնչող վատ կարծիքներից: «Մարդիկ իրավունք ունեն արտահայտել իրենց կարծիքը»,- ասաց քաղաքական գործիչը:
-Բայց ԱԺ նախագահը ցանկալի է, որ սիրված ու ընդունված լինի հանրության համար:
-Ես կարծում եմ` ես բավարար չափով ընդունելի եմ:
-Չնայած որ կան բացասական կարծիքներ…
-Իհարկե, բացի այդ` նայած ո՞ւմ եք հարցրել…
-Պատահական անցորդներին…
-Պատահական անցորդներին հարցնելը սոցիոլոգիա չէ…
-Մենք փոքրիկ հարցում ենք անցկացրել: Ինչևէ, կանե՞ք ամեն ինչ, որ սիրված լինեք հանրության համար:
-Ես աշխատում եմ այնպես անեմ, որ անչափ սիրեն:
Սոնա Դավթյան
.gif)
