Դեկտեմբեր 4, 2011

Վրաստանի  կառավարությունը  որոշում է կայացրել Սև ծովի ափին կառուցել նոր մեծ քաղաք` Լազիկա անունով: Ինչպես հայտարարել է Վրաստանի նախագահ Միխեիլ Սաակաշվիլին, քաղաքը կառուցվելու է Անակլեա ու Կուլևի գյուղերի միջև ընկած հատվածում:  Քաղաքի շինարարությունը կսկսվի մի քանի ամիս հետո:  

Ռուսաստանի կենտրոնական ընտրական հանձնաժողովը շարունակում է ներկայացնել այսօր տեղի ունեցած դումայի ընտրությունների արդյունքները: Ըստ այս պահին հրապարակված թվերի` պատկերը հետևյալն է.  “Միասնական Ռուսաստան” – 45,93%, ՌԴԿԿ – 20,74%, ՌԴԼԴԿ – 14,36%, “Սպրավիդլիվայա Ռոսիա” – 13,31%.  Մանցած ուժերի ձայները բավարար չեն դումա անցնելու համար:  

Ինչպես փոխանցում է  Առաջին Լրատվականը` Սյունիքի մարզի Քաջարան գյուղի պղնձամոլիբդենային հանքերը ընդլայնվում են սահմանամերձ գոտու բեռնաթափման հաշվին: Հանքի շահագործման ընթացքում քանդվում են գյուղի գերեզմանները: Հանքավայրի Բաժնետոմսերի 60%-ը պատկանում է գերմանական “”Քրոնիմետ”” ընկերությանը: 

Իրանի ռազմական ուժերը ոչնչացրել են ամերիկյան անօդաչու թռչող սարք, որը Իրանի տարածքում իրականացրել է հետախուզություն:  Այս մասին հայտնել է Al Alam արաբական հեռուստաընկերությունը` հղում անելով Իրանի ռազմական ուժերի աղբյուրին:  Իրանական ու ամերիկյան կառավարությունները RQ-170 անօդաչու թռչող սարքի ոչնչացման մասին պաշտոնական հայտարարություններ չեն արել:  

Դեկտեմբերի 3-ին Անահայմում (ԱՄՆ) կայացավ պրոֆեսիոնալ բռնցքամարտի՝ երկար սպասված մենամարտը, որի ժամանակ պանամացի բռնցքամարտիկ Անսելմո Մորենոն թեթևագույն քաշային կարգում WBA վարկածով Աշխարհի չեմպիոնի կոչման համար (32-1-1) մենամարտեց Վիկ Դարչինյանի (37-4-1) հետ:Մենամարտը տևեց 12 ռաունդ, որից հետո բոլոր մրցավարները միաձայն (115-112, 117-110, 120-107) հաղթանակը շնորհեցին Մորենոյին:Պրոֆեսիոնալ բռնցքամարտում սա Վիկի 4-րդ պարտությունն էր: Հիշեցնենք, որ ավելի վաղ …

“”Մանկական Եվրատեսիլ””  քվեարկությունն ավարտվեց: Քվեարկության արդյունքում հաղթող ճանաչվեց Վրաստանը: Հայաստանն ամենից շատ հավաքում էր հինգ միավոր, և վերջում էլ գրավեց հինգերորդ հորիզոնականը։