Հունվար 2013

Հայաստանի Հանրապետությունը երեկ տոնում էր ՀՀ զինված ուժերի կազմավորման 21-ամյակը: Իշխանական ողջ էլիտան տոնում էր հայոց բանակի օրը: Իսկ այն մարդիկ, որոնք տարիներ առաջ լուրջ ավանդ են ունեցել այսօրվա բանակի կազմավորման գործում, պետական որեւէ միջոցառման չեն հրավիրվել: «Սասուն» ջոկատի հիմնադիր հրամանատար, ԱԺ նախկին պատգամավոր ՍԱՍՈՒՆ ՄԻՔԱՅԵԼՅԱՆ:-Պարո՛ն Միքայելյան, պետական տոնական միջոցառումների հրավեր ստացե՞լ եք: -Ո՛չ: Ձեր …

ՀՀ կառավարության առաջիկա նիստի օրակարգում ընդգրկված է նաեւ Հայաստանի Հանրապետության արդարադատության նախարարությանը 5000 եվրոյի չափով գումար հատկացնելու մասին որոշման նախագիծը: Այս գումարը արդարադատության նախարարությանն անհրաժեշտ է տուգանք վճարելու համար, քանի որ «Շոլոխովն ընդդեմ Հայաստանի եւ Մոլդովայի Հանրապետության» գործի շրջանակներում 2012 թվականի հուլիսի 31-ին Մարդու իրավունքների եվրոպական դատարանն ընդդեմ Հայաստանի Հանրապետության վճիռ է կայացրել: Ու սա …

Սերժ Սարգսյանի` «Դեպի ապահով Հայաստան» վերնագրված նախընտրական ծրագրում որեւէ անդրադարձ չկա արտագաղթը կանխելուն, այնտեղ անգամ չկա «արտագաղթ» բառը: Փոխարենը մեկ գլուխ առանձնացրել է սփյուռքի համար՝ կարեւորելով Հայաստան-սփյուռք համագործակցության նոր ձեւաչափերի մշակումը: Սա ուշագրավ է այն առումով, որ ՀՀ հիմնական խնդիրն այսօր ահագնացող չափերի հասնող արտագաղթն է: Ս. Սարգսյանի պաշտոնավարման ընթացքում ՀՀ-ից արտագաղթել է մոտ 180 …

Այն, որ նախագահի ութ թեկնածուների կեսից ավելին իշխանությունների կողմից ներդրված  գործիչներ են, որոնցից յուրաքանչյուրին «լավագույն ընտրություններ» տրագիկոմիկական ֆարսում վերապահված է առանձին դերակատարություն, կասկածից դուրս է: Սակայն նրանց բոլորին միասին վերապահված է մեկ միասնական առաքելություն` արժեզրկել եւ վիժեցնել  իշխանության վերարտադրությունը խոչընդոտող ցանկացած առողջ գաղափար: Այդպես թեկնածուները գիտակցաբար կամ ակամայից վիժեցրին ընտրությունները բոյկոտելու գաղափարը, որը ստեղծված իրավիճակում …

Ի՞ՆՉ Է ՍԱ ՆՇԱՆԱԿՈՒՄ, ՍԵՅՐԱ՛ՆՀՀ պաշտպանության նախարարության կողմից կազմակերպված պետական միջոցառումներին հրավիրված չեն եղել այն բոլոր ազատամարտիկները, որոնք չեն կիսում գործող իշխանության տեսակետը: Օրինակ՝ «Սասուն» ջոկատի հրամանատար Սասուն Միքայելյանը, «Մեծն Տիգրան» աշխարհազորային գնդի հրամանատար Սմբատ Այվազյանը, ԱԺ նախկին պատգամավոր, ազատամարտիկ Մյասնիկ Մալխասյանը, Շուշիի առանձնակի գումարտակի հրամանատար Ժիրայր Սէֆիլյանը եւ այլք անտեսվել են Սեյրան Օհանյանի կողմից: …

Հայ Ազգային Կոնգրեսը Հայաստանի բանակի ստեղծման 21-րդ տարեդարձի առթիվ շնորհավորում է զինծառայողներին, սպաներին, ազատամարտիկներին, բոլորին, ովքեր առնչվել են բանակի ստեղծմանը կայացմանն եւ գործունեությանը։ Նորահռչակ Հայաստանի Հանրապետության իշխանության առաջին հիմնաքարային գործերից մեկն էր բանակի ստեղծումը։ Երկրի քաղաքական ղեկավարության կողմից ժամանակի ճշգրիտ ընտրությունը, կադրային, ռազմատեխնիկական մասշտաբային համալրումը, կազմակերպչական ու այլ բնույթի արդյունավետ ձեռնարկումներն ապահովեցին պաշտպանության բնագավառի առաջանցիկ …

Ստամբուլի ոստիկանությունը փողոցային մի թմրավաճառի ձերբակալելուց եւ հարցաքննելուց հետո սկսել է հետեւել հայտնի երգիչների, դերասանների եւ բացահայտել նրանց ներգրավվածությունը թմրանյութերի օգտագործման եւ անօրինական շրջանառության մեջ: Ընդհանուր առմամբ ոստականությունը ձերբակալել է մոտ 30 մարդու, որոնց թվում են՝ “Միսս Թուրքիա-2011”-ի երկրորդ տեղը զբաղեցրած գեղեցկուհին, երկրում մեծ ճանաչում ունեցող երգիչներ եւ դերասաններ:

Գրոսմայստեր Ռոբերտ Հովհաննիսյանը փետրվարի 2-10-ը կմասնակցի Moscow Open շախմատային փառատոնի շրջանային մրցակարգով անցկացվելիք մրցաշարին: Նույն օրերին մի խումբ հայ շախմատիստներ կմասնակցեն փառատոնի շրջանակներում անցկացվելիք խոշոր մրցաշարին, հայտնում է Armchess .am-ը: Պարտիաների սկիզբը` Երեւանի ժամանակով 16.00-ին:

Մալաթիա-Սեբաստիա վարչական շրջանի ընդհանուր իրավասության դատարանում շարունակվում է նախկինում չդատված Մարիամ Հ.-ի և Արմեն Հ.-ի դեմ հարուցված քրեական գործի դատավարությունը: Մարիան Հ.-ը մեղադրվում է նրանում, որ 2012թ. օգոստոսի 2-րդ կեսին նախնական համաձայնության գալով Արմեն Հ.-ի հետ Վերգինե Ս.-ի նկատմամբ շորթում կատարելու վերաբերյալ` այդ նպատակով համացանցի “Օդնոկլասնիկի” սոցիալական կայքով արատավորող տեղեկություններ հրապարակելու սպառնալիք են ներկայացրել Վերգինե …

Ադրբեջանի Գանջա շրջանում սպանություն է տեղի ունեցել:  23-ամյա Ռամին Բալաևը դանակահարել և սպանել է կնոջը` 24-ամյա Թահմինա Մայիլովային` ընտանեկան վեճի պատճառով: Բալաևը ձերբակալված է: Փաստի առթիվ քրեական գործ է հարուցվել: