Ճանապարհային ոստիկանության կողմից մայրաքաղաքում 350 ճանապարհային նշան է փոխվել, որից 200-ը հնամաշ էին, իսկ 100-ը` նոր նշաններ են: Ճանապարհային երթևեկության կազմակերպման հսկողության բաժնի պետ Կոնստանտին Կոստանյանն Armlur.am-ի հետ զրույցում նշեց` աշխատանքների կատարումը համընկել է Հայոց Ցեղասպանության 100-ամյա տարելիցի միջոցառումների հետ:
Վերջինիս խոսքով` Երևանի Կենտրոն վարչական տարածքի գրեթե բոլոր փողոցներում ճանապարհային գծանշումները թարմացվել են: Կոստանյանն ասաց, որ Բագրատունյաց և Սեբաստիա փողոցից դեպի Իսակովի պողոտա տանող ճանապարհին տեղադրվել է երկու հայելի, որոնք ավելի են հեշտացնում երթևեկությունը:
Ծիծեռնակաբերդի հուշահամալիր տանող ճանապարհը ևս թարմացվել է նոր ճանապարհային նշաններով, գծանշումներով: Առավելագույն արագություն է սահմանվել 40 կմ/ժ-ը: Իսկ ընդհանուր առմամբ` նախատեսված 2 մլն գծամետրից գծանշվել է մոտ 350 հազարը:
Իսկ հարցին, թե պետբյուջեից հատկացվող գումարները բավականացնում են աշխատանքների լիարժեք կատարման համար, Կոստանյանը պատասխանեց` միշտ էլ աշխատանքներ լինում են անելու:
Մանրամասները` Armlur.am-ի տեսանյութում:
Քրիստինա Աղալարյան, Տիգրան Սարգսյան
.gif)
