Ստրասբուրգում ՀՀ ԱԳ նախարար Էդվարդ Նալբանդյանի նկարով նամականիշներ են թողարկվել: “Ժողովուրդ”-ը տեղեկացավ, որ այդ նախաձեռնությունը Եվրախորհրդինն է, իսկ նամականիշները թողարկվել են Հայաստանի կողմից ԵԽ նախարարների կոմիտեն նախագահելու կապակցությամբ: Այս պատվին Նալբանդյանն արժանացել է ոչ թե իր արժանիքների, այլ միայն նրա համար, որ Հայաստանը 6 ամիս նախագահելու է ԵԽ նախարարների կոմիտեն, ու այդ ընթացքում, փաստորեն, Էդ. Նալբանդյանը լինելու է այդ կոմիտեի նախագահ:
Թե ինչպես է նախագահելու, թերեւս կարելի է կռահել՝ հաշվի առնելով ԵԽԽՎ վերջին նիստում Նալբանդյանի ելույթը, որը ցնցել է շատերին: Բանն այն է, որ նա նույնիսկ ԵԽԽՎ պատգամավորների հարցերին պատասխանելիս ընթերցել է թղթերից: “Ժողովուրդ”-ի տեղեկություններով՝ նախարարի թիմը մինչ այդ նիստը հնարավոր հարցերի պատասխանները գրել, տվել է Նալբանդյանին, որպեսզի նա անակնկալի չգա եւ հստակ պատասխաններ ունենա: Հետաքրքիր է՝ Նալբանդյանի հուշարարները բոլոր տիպի հանդիպումներից առաջ պետք է նրան տրվելիք հնարավոր հարցերի պատասխանները գրե՞ն:
“Ժողովուրդ” օրաթերթի 575 համար
.gif)
