Էրդողանը հանրաքվեի անցկացումից հետո մահապատժի վերականգնում է ակնկալում

Թուրքիայի նախագահ Ռեջեփ Թայիփ Էրդողանը երկրի խորհրդարանից ակնկալում է մահապատժի վերականգնում սահմանադրական բարեփոխումների հարցով հանրաքվեի անցկացումից հետո, փոխանցում է Agence France-Presse-ը:

«Մեր ընտանիքների հերոսները չպետք է անհանգստանան: Ես հավատում եմ, որ խորհրդարանն անհրաժեշտ ամեն ինչ կանի ապրիլի 16-ից հետո մահապատժի վերականգնման հետ կապված մեր պահանջներն իրականացնելու համար»:

Նա հավելել է, որ «առանց երկմտելու» հավանություն կտա այդ օրենքին:

Մահապատիժը վերականգնելու կոչերը հնչում են Թուրքիայում երկրում անցած տարվա հուլիսի 16-ին տեղի ունեցած ռազմական հեղաշրջման փորձից հետո: