ՏԵՍԱՆՅՈՒԹ. Այս գիշեր կորոնավիրուսի հետևանքով հղի կին է մահացել

Այս գիշեր գրանցվել է հղի կնոջ մահվան դեպք՝ պայմանավորված կորոնավիրուսի վարակով: Այս մասին այսօր ԱԺ հանձնաժողովի նիստում 2022 թվականի բյուջեի նախագծի քննարկման ժամանակ նշեց առողջապահության նախարար Անահիտ Ավանեսյանը։

«Վերջին մեկ օրում գրանցվել է 810 դրական դեպք, մահացել է 30 քաղաքացի։ Ցավով պիտի նշեմ՝ գիշերը ունեցել ենք հղի կնոջ մահ՝ պայմանավորված քովիդով»,–ասաց նախարարը։

Նրա խոսքով` «Դելտա» շտամը, ի տարբերություն նախորդ տարի շրջանառվող շտամերի, դրսևորվում է բավական ագրեսիվ։ Նախարարը նաեւ հավելեց, որ  հղիները վտանգի են ենթարկվում, եթե վարակվում են վերոհիշյալ շտամով: Նրա խոսքով, այս պահին հիվանդանոցներում բուժում են ստանում շուրջ 100 հղի կին, նրանց կեսն ունի թոքաբորբ։

Մանրամասները՝ տեսանյութում