Այս պահին Սեյրան Օհանյանը Հակակոռուպցիոն դատարանում է

ArmLur.am-ի թղթակիցը հայտնում է, որ այս պահին Սեյրան Օհանյանը Հակակոռուպցիոն դատարանում է պաշտպանության նախկին նախարար Դավիթ Տոնոյանի գործով:

Հիշեցնենք, որ Դավիթ Տոնոյանն անցնում է ռազմամթերքի մատակարարման չարաշահումների գործով։ Քրեական գործի շրջանակներում մեղադրանք է առաջադրվել նաեւ ՀՀ ԶՈւ ԳՇ պետ Արտակ Դավթյանին, ԶՈւ ԳՇ պետի նախկին տեղակալ Ստեփան Գալստյանին, Պատրոն Դավո մականունով հայտնի, զենքի մատակարարմամբ զբաղվող գործարար Դավիթ Գալստյանին։

Նշենք, որ դատարանի որոշմամբ Դավիթ Տոնոյանը կալանքի տակ է նախորդ տարվա սեպտեմբերի 30-ին։