Ռուսաստանը և Հայաստանը ցուցադրում են տնտեսական համագործակցության բարձր մակարդակ: Այս մասին «ՌԻԱ Նովոստի»-ին ասել է ՌԴ փոխվարչապետի պաշտոնակատար Ալեքսեյ Օվերչուկը։
Օվերչուկի խոսքով՝ անցյալ տարի երկու երկրների միջև ապրանքաշրջանառությունը կազմել է 7,3 մլրդ դոլար։
«Մենք շատ լավ տնտեսական հարաբերություններ ունենք Հայաստանի հետ»,- ասել է նա։
Նախօրեին Ալեքսեյ Օվերչուկը նշել էր հաջող տնտեսական համագործակցությունը Եվրասիական տնտեսական միության գագաթնաժողովի ֆոնին։
«Մեր առևտրի ծավալը շարունակում է աճել շատ բարձր տեմպերով, ուստի այստեղ տնտեսական համագործակցության հետ կապված ամեն ինչ կարգին է», – ԵԱՏՄ հոբելյանական գագաթնաժողովից հետո լրագրողներին ասել է Օվերչուկը։
.gif)
