Մեծ հնչեղություն ստացած «Բանդայի» գործի դատաքննությունը շարունակում է ընթանալ առանց գողոնի առկայության: Փնտրվում է ինչ-որ աճուրդային նկար, որը հնարավոր չէ ո’չ վաճառել, ո’չ գնել, ո’չ էլ, առավել ևս, սահմանն անց կացնել:
Ինչևէ, գործի քննությունից մինչ օրս մահացել են անբաստանյալներ մինչև վերջ չպարզաբանված հանգամանքներում, իսկ ողջ մնացածները, հայտնի չէ, ինչքան կապրեն. բոլորն էլ լուրջ հիվանդ են:
Նախկինում երկու անգամ դատված ամբաստանյալ Դավիթ Գալստյանի զոքանչը` Իրինա Դավթյանը, լրջորեն մտահոգված է. նա չի կարողանում հասկանալ` ինչպես են կալանավորել մեկին, ով հոգեկան խանգարումներ ունի, և ով դեպքից մի քանի օր առաջ փախել էր հոգեբուժարանից:
Դավթյանը Armlur.am-ին հայտնեց, որ նախկին ոստիկանապետ Ալիկ Սարգսյանն այցելել է ամբաստանյալներին ու ասել, թե` դատված տղեք եք, պիտի գործը վիզ վեկալեք, թե չէ` մնացելա վրես:
Դավթյանը վախենում է, որ իր փեսային երկար չի մնացել ապրելու, իսկ թոռները հոր կարիք են զգում:
Տաթև Հարությունյան
.gif)
