ArmLur.am-ին հայտնի դարձավ, որ Փաշինյանի իշխանությունը կոշտ գործողությունների նոր ալիք է սկսել ընդդիմախոսների դեմ։
Քիչ առաջ «Հաղթանակ» կուսակցության խորհրդի անդամ Թելման Թադևոսյանը վարչական կարգով բերման է ենթարկվել՝ տեղափոխվելով Երևանի ոստիկանության վարչություն։ Իսկ կուսակցության նախագահ Վիկտոր Մնացականյանին ևս կանչ է ուղարկվել՝ ներկայանալու իրավապահներին։
Հարցը պարզ է՝ իշխանությունը փորձում է լռեցնել բոլորին, ովքեր համարձակվում են սատար կանգնել բարերար Սամվել Կարապետյանին և նրա որդեգրած դիրքորոշմանը՝ ի պաշտպանություն Հայ Առաքելական Եկեղեցու։
Հիշեցնենք, որ «Հաղթանակ» կուսակցությունը օրեր առաջ հանդես էր եկել բավականին ուղիղ ու սուր հայտարարությամբ՝ դատապարտելով Սամվել Կարապետյանի հանդեպ իշխանական վերաբերմունքը։ Այդուհետ, ըստ աղբյուրների, ուժային կառույցներում տագնապ է ազդարարվել՝ յուրաքանչյուրը, ով համարձակվում է բարձրաձայնել Կարապետյանի կամ եկեղեցու պաշտպանությամբ, պետք է հայտնվի թիրախում։
Այլ կերպ ասած՝ Փաշինյանի կառավարությունը բռնում է «շրջափակման քաղաքականություն»՝ մեկուսացնելով ոչ միայն Սամվել Կարապետյանին, այլև բոլոր նրանց, ովքեր դեռ փորձում են պաշտպանել ազգային արժեքները՝ եկեղեցին, բարեգործությունը և ինքնիշխան ձայնը։
Էմմա Միքայելյան
.gif)
