«Խաղաղության դատավարության» հերթական փուլը կարելի է համարել ավարտված: Վերաքննիչ դատարանը գնացել է խորհրդակցության, բայց ինչպես դատարանում ենք ասել՝ բոլորիս համար էլ պարզ է, որ այդ վճիռը վաղուց կայացված է և դատավարական կոլեգիան չէ, որ կայացնում է այդ վճիռը: Այս մասին ասել է Արցախի Ազգային ժողովի նախկին նախագահ, Բաքվի գերության մեջ գտնվող Դավիթ Իշխանյանը:
«Դատավարական կոլեգիան միայն հայտարարության կարգով կհայտարարի և կհրապարակի այն, ինչ-որ վճռված է:
Մեր վերջին ելույթները շատ հետաքրքիր և յուրահատուկ էին, ինչպես նշել եմ, բավականին արժանի ելույթներ էին: Ինչպես Առաջին ատյանի դատարանում, այս պարագայում էլ՝ թե՛ Դատախազության ներկայացուցիչները, թե՛ դատավորն անհիմն կերպով ընդհատում էին որոշներին, այդ թվում՝ նաև ինձ, այդպես էլ չթողեցին ամբողջական իմ խոսքը ներկայացնել:
Այնուհանդերձ, խնդիր չէ, մենք բոլորս հասկանում ենք, որ սա քաղաքական դատավարություն է և շատ պարզ հայտարարում ենք: Ամենամեծ գնահատականն այս դավարության, հավանաբար տվել է պաշտպաններից մեկը, ով Առաջին ատյանում զգուշացրել է, որ ամաչելու են տարիներ առջև իրենց սերունդների առջև»,-նշել է նա:
Դավիթ Իշխանյանն ընդգծել է, որ արժանի հակահարվածներ են տվել այն փաստարկներին և այն կեղծ պնդումներին, որոնք վերաբերում են մեր ժողովրդի անցյալին, ներկային, պատվին:
.gif)
