Իսպանիայի առաջնություն. Բարսելոնան միավորներ կորցրեց կատալոնյան դերբիում (Տեսանյութ)

Իսպանիայի առաջնության 18-րդ տուրի վերջին խաղում “”Բարսելոնան”” չկարողացավ հաղթել “”Էսպանյոլին””: Կատալոնյան դերբիում գրանցվեց” 1:1 հաշիվ:Հանդիպումը շատ ակտիվ սկսեցին Էսպանյոլի ֆուտբոլիստները, սակայն շուտով “”Բարսելոնան”” տիրեց գնդակին ու արդեն 16-րդ րոպեին Դանի Ալվեշի փոխանցումից հետո Սեսկ Ֆաբրեգասը բացեց հաշիվը: Ամբողջ հանդիպումն անցավ փոխնիփոխ գրոհներով: Տանտերերի հակագրոհները “”Բարսելոնայի”” գրոհներից պակաս վտանգավոր չէին: 78-րդ րոպեին Մեսսին կարող էր կրկնապատկել հաշիվը, սակայն նրա հարվածից հետո գնդակը ետ մղվեց դարպասաձողից: 86-րդ րոպեին “”Էսպանյոլի”” ջանքերը տվեցին իրենց արդյունքը. Ալվարոն խփեց պատասխան գոլը: Մնացած ժամանակահատվածում Գվարդիոլայի սաները կարող էին հաղթանակ կորզել, սակայն Պիկեի հարվածից հետո գնդակը դիպավ հորիզոնական դարպասաձողին, հետ եկավ Պեդրոյի մոտ, վերջինս մշակեց այն ու հարվածեց դեպի դարպասը, գնդակը դիպավ Գարսիայի ձեռքին, սակայն մրցավարը չնկատեց: Ինչևէ, “”Բարսելոնան”” շատ կարևոր 2 միավոր կորցրեց և արդեն Մադրիդի “”Ռեալին”” զիջում է 5 միավորով, իսկ “”Էսպանյոլը”” արժանիորեն 1 միավոր վաստակեց և 24 միավորով հավասարվեց 7-րդ տեղում ընթացող “”Սևիլիային””: