Շվեյցարական Credit Suisse բանկը ԱՄՆ-ին կվճարի ամենամեծ տուգանքը, որ երբևիցէ նշանակվել է ամերիկյան օրենսդրության կանոնակարգի խախտման համար: Ամերիկյան դատարանի որոշմամբ ֆինանսական հաստատությունը տուգանվելու է ամերիկացիներին հարկերի վճարումից խուսափելու մեջ աջակցություն ցույց տալու համար:
Credit Suisse ընդունել է իր մեղքը կեղծ հաշիվների ստեղծման, փաստաթղթերի ոչնչացման, ակտիվներ թաքցնելու և ամերիկյան արդարադատության եհտ համագործակցությունից խուսափելու մեջ:
Հայտարարության մեջ նշվում է, որ Credit Suisse բանկը զղջում է կատարվածի համար և իրավիճակից դուրս գալու ուղիներ է փնտրում:
ԱՄՆ-ի գլխավոր դատախազ Էրիկ Հոլդերի խոսքերով, բանկի խոստովանությունն ապացուցում է, որ ոչ մի ֆինանսական հաստատություն չի կարող վեր լինել օրենքից:
Դատական համաձայնության արդյունքում, տուգանքի վճարումից հետո բանկը կարող է շարունակել ֆինանսական գործունեությունը ԱՄՆ-ի տարածքում, բայց ստիպված է լինելու աշխատանքից հեռացնել որոշ աշխատակիցների:
.gif)
