Ինչպես արդեն armlur.am-ը հայտնել էր, երեկ` հունիսի 29-ին, արտակարգ դեպք է տեղի ունեցել Գեղարքունիքի մարզի Վարդենիս քաղաքում: Ժամը 16-ի սահմաններում քաղաքում ուժեղ փոթորիկ է սկսվել, որի պատճառով փլվել է մոտ տասնյակից ավել տուն, արմատախիլ են եղել ծառեր, իսկ քաղաքի էլեկտրաէներգիան և գազամատակարարումը դադարեցվել էր:
Այսօր Վարդենիսում խուճապը շարունակվում է: Քաղաքի էլեկտրաէներգիան մասամբ է վերականգնվել, սակայն փոթորկի հասցրած վնասները զգալի են:
Armlur.am-ի թղթակիցը Վարդենիսից հայտնում է, որ քաղաքի բնակիչներն այս պահին փակել են Վարդենիս մտնող ճանապարհը և պահանջում են, որ կառավարության անդամները գան իրենց օգնություն ցուցաբերեն կամ ասեն, թե ինչ է լինելու հետագայում: Նրանք պահանջում են ՀՀ վարչապետ Հովիկ Աբրահամյանին:
Իսկ այս ընթացքում Վարդենիսի քաղաքապետ Վոլոդյա Խլոյանը Ֆրանսիայում իր հանգիստն է վայելում:
.gif)
