ՄԱԿ-ին կից Միջազգային աշխատանքային կազմակերպությունում եկել են այն եզրակացության, որ 4-օրյա աշխատանքային շաբաթն ավելի լավ է, քան 5-օրյան: Այդ թեման վերջերս շատ մեծ տարածում է գտել գործարար շրջանակներում: 4-օրյակի գաղափարին, մասնավորապես՝ սատարում է Google-ի հիմնադիրներից մեկը՝ Լարրի Փեյջը և մեքսիկացի միլիոնատեր Կարլոս Սլիմը. տեղեկացնում է ՄԱԿ-ի մամլո ծառայությունը:
Կազմակերպության փորձագետները գտնում են, որ աշխատանքային շաբաթի կրճատումը թույլ կտա բարելավել բնակչության առողջական վիճակը, քանի որ ժամանակակից աշխարհում շատ հիվանդություններ պայմանավորված են գերծանրաբեռնվածությամբ, անընդհատ օֆիսում գտնվելով և սթրեսներով: Բացի այդ՝ կարճ աշխատանքային շաբաթը թույլ կտա ավելի շատ աշխատանքային տեղ ստեղծել: Եվ, ի վերջո, տարբեր ուսումնասիրություններ ցույց են տվել, որ մարդիկ ավելի արդյունավետ են աշխատում, երբ քիչ են աշխատում: Այն մարդիկ, ովքեր երկար ժամեր են անցկացնում օֆիսում, հաճախ միայն բուռն գործունեության պատրանք են ստեղծում, իսկ այն արդիկ, ովքեր աշխատանքին հատկացնում են շաբաթը 4 օր, իրենց երջանիկ և կյանքից բավարարված են զգում:
.gif)
