«Ուզում են կրակեն, թող կրակեն, մենք էլ կկրակենք». «Նախախորհրդարանի անդամներ». «Ժողովուրդ»

«Ժողովուրդ» օրաթերթը գրում է. «Մարտի 1 իրականացրած ռեժիմը կարող է բռնությունների գնալ նաեւ ապրիլի 24-ին։ Այս մասին երեկ՝ դեկտեմբերի 3-ին, լրագրողների հետ հանդիպմանը հայտարարեց «Նախախորհրդարանի» անդամ Գարեգին Չուգասզյանը։
«Եթե ապրիլի 24-ին՝ Մեծ եղեռնի 100-ամյակին, որեւիցե ուժ հրաման արձակի կրակ բացել ժողովրդի վրա, դրանով ինքը կստորագրի իր՝ Թալեաթի դատավճիռը։ Եթե նման հրաման տվողներ կան, թող ուշադիր լինեն իրենց ապագայի եւ իրենց ունեցվածքի նկատմամբ։

«Նախախորհրդարանի» անդամ Գեւորգ Սաֆարյանի խոսքով՝ «Մարտի 1-ին մարդիկ քարով դուրս էին գալիս ավտոմատի դեմ, միայն թե վերջում ինչ-որ մեկն ասեց՝ գնացե՛ք տուն։ Մարտի 1-ով մեզ պետք չէ վախեցնել, եթե մեզ վրա ուզում են կրակեն, մենք էլ շատ լավ կրակում ենք։ Հստակ լինի բոլորի համար՝ ապրիլի 24-ին մենք տուն գնացողը չենք, ուզում են կրակեն, թող կրակեն, մենք էլ կկրակենք»,- ասաց Գեւորգ Սաֆարյանը»:

Մանրամասները` օրաթերթի այսօրվա համարում։