«Եթե քաղաքական բոլոր ուժերը դեմ գնան ՀՀԿ-ին, ես կկանգնեմ ընդդիմության թեկնածուի կողքին»:

Հատկապես ԲՀԿ-ի նման կոալիցիոն գործընկերոջ կորստից հետո Հանրապետականին ինչ-որ առումով զինաթափված կարելի է համարել: Այլ բան է, որ ընտրություններից առաջ Արամ Հարությունյանի ունեցած կուսակցության տիպի բազմաթիվ քաղաքական խմբակներ միաձուլվեցին ՀՀԿ-ին ու մանդատ ստացան: Թերեւս հենց շրջանցված մնալն էլ կայուն համարվող իշխանամետ Ա. Հարությունյանին իրավունք է տվել ընդդիմության թեկնածուի կողքին կանգնելու մասին մտածել: Բայց միաժամանակ նա պայման ունի, ինչը չի թաքցնում. ընդդիմության հաղթելու հավանականությունը պետք է մեծ լինի, որպեսզի նախկին ԱԻՄ-ականը նման ռիսկի գնա: