ՀԱՐՑ. Ամառային արձակուրդների ընթացքում որոշել եմ անգլերենի դասընթացների գնալ, քանի որ հիմա անգլերեն իմանալը շատ անհրաժեշտ է: Դասախոս կա, որը մասնավոր ձեւով ինձ անգլերեն կսովորեցնի, բայց լսել եմ, որ Երեւանում Բրիտանական խորհուրդն անգլերենի դասընթացներ է կազմակերպում: Լսածս որքանո՞վ է համապատասխանում իրականությանը:
ՊԱՏԱՍԽԱՆ. Մենք չենք անցկացնում անգլերենի դասընթացներ, բայց առաջարկում ենք ռեսուրսներ, որոնք կարող են օգտակար լինել անգլերենն ուսումնասիրողների համար: Այցելե՛ք LearnEnglish Teens, LearnEnglishkids եւ LearnEnglish կայքերը: Ավ. Իսահակյանի անվան գրադարանում գործում է Բրիտանական խորհրդի ռեսուրս կենտրոն, որտեղից կարող եք ձեռք բերել անհրաժեշտ գրականությունը: Կենտրոնին անդամակցությունն անվճար է: Կենտրոնի հասցեն է` Նալբանդյան 4/1, մետրոյի «Հանրապետության հրապարակ» կայանի եւ Կառավարության շենք 3-ի հարեւանությամբ:
«ԺՈՂՈՎՈՒՐԴ». Անգլերեն, ինչպես նաեւ ցանկացած այլ օտար լեզու սովորելու հնարավորությունը մեր ժամանակներում չափազանց մեծ է: Լեզուներ ուսումնասիրելու ցանկություն ունեցող մարդիկ միայն պետք է ընտրություն կատարեն ուսումնական կենտրոնի եւ համապատասխան դասախոսի միջեւ: Գները, անշուշտ, մատչելի են, իսկ համացանցն էլ իր հերթին է տարբերակներ առաջարկում ինքնուսուցմամբ նախընտրելի լեզվի գաղտնիքներին ծանոթանալու համար:
.gif)
