Մալազիայի տրանսպորտի փոխնախարար Աբդուլ Ազիզ Կապրավին հայտարարել է, որ «գրեթե համոզված է», որ Հնդկական օվկիանոսում Ֆրանսիայի Ռեյունյոն կղզու մոտերքում հայտնաբերված ինքնաթիռի բեկորները պատկանում են Boeing 777 ինքնաթիռին, փոխանցում է Reuters գործակալությունը:
Փոխնախարարը հայտնել է, որ բեկորի` Boeing 777-ին պատկանելու փաստի մասին իրեն ասել է Մալազիայի գլխավոր հետաքննիչը:
Ավելի վաղ Ֆրանս Փրեսս գործակալությունը, հղում կատարելով իր աղբյուրներին, հայտնել էր, որ անհայտ ինքնաթիռի բեկորներ են հայտնաբերվել Ֆրանսիայի Ռեյունյոն կղզու մոտերքում: Գործակալության տվյալներով` ինքնաթիռի բեկորը կարող է պատկանել 2006 թ մայիս ամսին կղզու ափերի մոտ կործանված երկշարժիչ ինքնաթիռին, 2014 թ մարտ ամսին Հնդկական օվկիանոսում անհետացած մալազիական Boeing-ին կամ 2009 թ հունիս ամսին կործանված ինքնաթիռին:
.gif)
