Արարատում տեղի ունեցած արտառոց դեպքի մանրամասները. տղամարդը փորձել է հրկիզել իր քաղաքացիական կնոջը

Armlur.am-ն արդեն հայտնել է, որ երեկ Արարատի մարզի Դեղձուտ գյուղում արտառոց դեպք է տեղի ունեցել: Գյուղի 29-ամյա մի բնակիչ բենզին է լցրել կնոջ վրա, ապա սպառնացել նրան այրելով սպանել։

Armlur.am-ը ոստիկանության լրատվական ծառայությունից նոր մանրամասներ է իմանում կատարվածի մասին: Այսպես, երեկ` ժամը 09.50-ին, ոստիկանության Մասիսի բաժնում ահազանգ է ստացվել, որ ամուսինը բենզին է լցրել կնոջ վրա և փորձում է հրկիզել:

Մեկնած օպերատիվ խումբը պարզել է, որ նույն օրը, ժամը 09.50-ի սահմաններում, 1985 թ. ծնված Արմեն Ա.-ն մտել է իր քաղաքացիական կնոջ` 1980 թ. ծնված Սուսաննա Գ.-ի ննջասենյակ, բենզինը լցրել վերջինիս վրա և անկողնու մեջ, սպանության սպառնալիքներ տվել, ինչից հետո ձեռքին եղած կրակայրիչով փորձել է այրել, սակայն Սուսաննա Գ.-ի որդին` 2003 թ. Գոռ Գ.-ն, և մայրը` Գրետա Հ.-ն, միջամտել են, ձեռքից գցել են կրակայրիչն ու նրան դուրս հանել ննջասենյակից:
Արմեն Ա.-ն բերման է ենթարկվել:
Նախապատրաստվում են նյութեր: