Մարտի 26-ին՝ ժամը 17:00-ի սահմաններում, ոստիկանության Նոր Նորքի բաժնի հերթապահ ծառայություն ահազանգ է ստացվել, որ 5-րդ զանգվածի՝ Երեւանի 159 ավագ դպրոցի խաղահրապարակի մոտ կրակոց է հնչել, ինչի արդյունքում գլխի մասում ստացած հարվածի վնասվածքով «Սուրբ Գրիգոր Լուսավորիչ» բժշկական կենտրոն է տեղափոխվել Գալշոյան 28 շենքի բնակիչ 45-ամյա Սարգիս Սողոմոնյանը: «Սուրբ Գրիգոր Լուսավորիչ» բկ-ից հայտնել են, որ կատարվում է վիրահատություն: Իսկ Ոստիկանությունը ձեռնարկում է միջոցառումներ` կրակողին հայտնաբերելու ուղղությամբ: Փաստի առթիվ քրեական գործ է հարուցվել ՀՀ քր. օր.-ի 112-րդ հոդվածի (ծանր մարմնական վնասվածք հասցնելը) 1-ին եւ 235-րդ հոդվածի (ապօրինի զենք-զինամթերք պահելը, կրելը, օգտագործելը) հատկանիշներով:
.gif)
