Քիչ առաջ Գյումրիում ռուսական 102-րդ ռազմաբազայում Ավետիսյանների սպանության գործով դատավոր Հարություն Մովսիսյանը վերադարձավ խորհրդակցական սենյակից, որտեղ գնացել էր քննարկելու` դատական նիստերը Շիրակի մարզի ընդհանուր իրավասության դատարանում անցկացնելու մասին հարցը:
Ամբաստանյալի պաշտպանը նախ հայտարարեց, որ Պերմյակովի անվտանգությունը պետք է ապահովվի: Պաշտպանի խոսքով` որքան էլ խցում լինելը Եվրոպական կոնվենցիայի պահանջներին դեմ է, այդուհանդերձ, դա անվտանգության երաշխիքներից է ելնում: Նախագահողի հարցին` ինչ դիրքորոշում ունի դատական նիստերն այլ դատարանում անցկացնելու առումով, Պերմյակովը պատասխանեց. «Ինձ այստեղ հանգիստ եմ զգում»:
Այսպիսով` դատարանը մերժեց միջնորդությունը` պատճառաբանելով, որ արտագնա նիստի վայրը օրենքի խախտում չէ: Այժմ տուժող կողմի ներկայացուցիչները 30 րոպե ժամանակ են խնդրել դատավորի ինքնաբացարկի հարցը քննարկելու համար:
.gif)
