Անհայտ ծագմամբ ավիացիան ավիահարվածներ է հասցրել Լիբիայում ԻՊ դիրքերի ուղղությամբ

Չպարզված պատկանելության ավիացիան ավիահարվածներ է հասցրել Լիբիայի Դերնա քաղաքում «Իսլամական պետության» դիրքերի ուղղությամբ. փոխանցում է «ՌԻԱ Նովոստի»-ն՝ հղում անելով Afrigatenews կայքին:

Նշվում է, որ սա անհայտ ինքնաթիռների կողմից առաջին ավիահարվածները չեն:

Կայքում տեղակայված հաղորդագրության մեջ ասվում է, որ ավելի վաղ այդ նույն ինքնաթիռներն ավիահարվածներ են հասցրել Բաբ Թոբրուկում իսլամիստների դիրքերի ուղղությամբ, ինչի հետևանքով 2 խաղաղ բնակիչ և 2 զինյալ է զոհվել:

Նախօրեին Լիբիայի կոնգրեսը բողոք է ներկայացրել ավիացիայի գործողությունների դեմ, որի հետևանքով խաղաղ մարդիկ են զոհվել. փոխանցում է Libya Observer-ը:

Թարգմանիչ՝ Քրիստինե Պողոսյան