ԱՄՆ-ն ռմբակոծիչներ կուղարկի Սիրիա

ԱՄՆ-ն B-52 ռմբակոծիչներ կուղարկի Սիրիա՝ «Իսլամական պետության» դեմ պայքարի համար, փոխանցում է Fox News-ը՝ հղում անելով ռազմական աղբյուրին:

Հաղորդվում է, որ իսլամիստների դեմ B-52 ռմբակոծիչների առաջին թռիչքները կիրականացվեն ապրիլին: Սակայն չի հստակեցվում ռմբակոծիչների և անձնակազմի անդամների թիվը:

B-1 ռմբակոծիչները թռիչքներ էին իրականացվել Իրաքում և Սիրիայում մինչև 2015թ. հունվարը:

«Մեր B-1 ռմբակոծիչները մաշված են, անհրաժեշտ է արդիականացնել դրանք»,-հայտարարել է ԱՄՆ ռազմաօդային ուժերի կենտրոնական հրամանատարության պետ գեներալ լեյտենանտ Չարլզ Բրաուն կրտսերը:

Ավելի վաղ հաղորդվում է, որ անցկացվել են ամերիկյան նորագույն F-35 կործանիչների փորձարկումները:

Թարգմանիչ՝ Քրիստինե Պողոսյան