Հայաստանում սուրճ ներմուծող ընկերությունները շատ չեն` հաշվի առնելով այն, որ սուրճը համարվում է բավականին թանկ ապրանքատեսակ համաշխարհային շուկայում: Որոշ ընկերություններ գնում են ոչ որակյալ սուրճ և ցանկանում են սպառողին ներկայանալ իբրև հին և բարի անուն ունեցող ընկերություն, որը կարող է հավատ ներշնչել:
Asekose .am-ը այս խնդրի շուրջ զրուցել է սուրճ ներմուծող հայաստանյան ընկերություններից մեկի `”Փոքր Փարիզ” ՍՊԸ-ի մենեջեր Աննա Խալաթյանի հետ:
-Երկար ժամանակ “Փոքր Փարիզ” ՍՊԸ-ն անտեսում էր ներկայիս “Փարիզյան սուրճ ֆակտորի” ՍՊԸ-ի գովազդային հոլովակներում տեղ գտած անհիմն հայտարարությունները:
“Փոքր Փարիզ” ՍՊԸ-ն պաշտոնապես տեղեկացնում է, որ Աբովյան-23 հասցեում գործող եր խանութ-սրճարանը երբևէ կապ չի ունեցել այժմյան “Փարիզյան սուրճ ֆակտորի” ՍՊԸ-ի, ինչպես նաև` նրանց պատկանող վաճառասրահների հետ: Ավելին,”Փոքր Փարիզ” ՍՊԸ-ն երբեք ցանկություն ու կարիք չի ունեցել մատակարարվելու սուրճով իրենց կողմից, քանզի ինքներս հանդիսանում ենք սուրճ ներկրող աշխարհի տարբեր երկրներից: Երազանքը, ցանկություններն ու իրականությունը տարբերեք իրարից: Մաղթում ենք Ձեզ հաջողություն Ձեր գործունեության մեջ:
Հիշեցնենք, որ Asekose .am-ի հետ զրույցում Վալերի-Աշխեն Գործունյանը տեղեկացրել էր, որ շատ շուտով “Փոքր Փարիզ” ընկերությունը կարտադրի նոր սուրճ, որի որակը կլինի հին “Փարիզյան սուրճի” պես և այդ հարցում ինքն անձամբ է աշխատում “Փոքր Փարիզ” ընկերության սեփականատերերի հետ ու պահպանում ամենօրյա կապը:
Վալերի-Աշխեն Գործունյանը նաև ընդգծել էր, որ ինքը կապ չունի Սարյան փողոցում գտնվող “Փարիզյան սուրճ ֆակտորի” ՍՊԸ-ի ու այնտեղ վաճառվող սուրճի ու նաև այդ սուրճի որակի հետ, որը գովազդվում է հայկական հեռուստաեթերում և որ առավել ևս` այդ վաճառասրահը որևէ առնչություն չունի Աբովյան 23 հասցեում գտնվող “Փոքր Փարիզ” ընկերության հետ:
.gif)
