Գողացել են Արցախի օգնության համար նախատեսված գումարը. կան բերման ենթարկվածներ

ArmLur.am-ը ՀՀ ոստիկանության հասարակայնության հետ կապերի և լրատվության վարչությունից տեղեկանում է, որ ապրիլի 23-ին, ժամը 06.40-ին, ոստիկանության Կենտրոնականի բաժնում հաղորդում էր ստացվել, որ նույն օրը, ժամը 05.30-ից 06.00-ն ընկած ժամանակահատվածում, տեխնիկական միջոցների գործադրմամբ պատուհանը բացելով /1-ին հարկ/` Սոս Սարգսյանի անվան Համազգային թատրոնից գողացել են գումար, 2 դյուրակիր համակարգիչ և կիթառ:

Ոստիկանության ծառայողների ձեռնարկած միջոցառումների արդյունքում, ապրիլի 29-ին, հիշյալ հանցանքը կատարելու կասկածանքով ոստիկանության Կենտրոնականի բաժին բերման են ենթարկվել 1995 թ. ծնված Գոռ Մ.-ն, 1994 թ. ծնված Հայկ Ս.-ն և 1995 թ. ծնված Բաբկեն Շ.-ն: Խուզարկությամբ Հայկ Ս.-ի բնակարանում հայտնաբերվել են իրեղեն ապացույց դյուրակիր 2 համակարգիչները: Փաստի առթիվ հարուցվել է քրեական գործ:

Կատարվում է նախաքննություն:

Լրատվամիջոցներում տարածված լուրերի համաձայն այդ գումար եղել է Արցախին օգնության համար: Ավելի ուշ սակայն Սոս Սարգսյանի անվան Համազգային թատրոնի տնօրենը հերքել է այդ տեղեկատվությունը: