ArmLur.am-ն արդեն հայտնել է, որ այսօր Գեղարքունիքի մարզի Նորատուս համայնքի մի խումբ բնակիչներ բողոքի ակցիա են կազմակերպել և փակել միջպետական ավտոճանապարհը:
Բանն այն է, որ գյուղացիները չեն կարողանում արտահանել իրենց բուծած խեցգետինը և, ինչպես իրենք են մեկնաբանում, ՀՀ վարչապետ Հովիկ Աբրահամյանի ընտանիքի ստեղծած մենաշնորհի պատճառով:
ArmLur.am-ի հետ զրույցում Գեղարքունիքի մարզպետ Ռաֆիկ Գրիգորյանն ասել է, որ ինքը գնում է Նորատուս` միաժամանակ հաստատելով միջպետական ավտոճանապարհը փակելու մասին լուրը:
Քիչ առաջ ArmLur.am-ին ակցիայի մասնակիցներից մեկը հայտնեց, որ ճանապարհը բացել են մարզպետի հետ տեղի ունեցած զրույցից հետո:
ArmLur.am-ը կփորձի մանրամասներ իմանալ տեղի ունեցածից` հասկանալու համար ինչ խոստումներ են տրվել բնակիչներին: Ի դեպ, ՀՀ վարչապետի մամուլի քարտուղար Գոհար Պողոսյանը պարզաբանեց` նորատուսցիների հայտարարությունը, թե Հովիկ Աբրահամյանի ընտանիքն է միայն զբաղվում խեցգետնի արտահանմամբ` արգելելով ուրիշներին զբաղվել այդ գործունեությամբ, չի համապատասխանում իրականությանը և հիմնավորված չէ:
.gif)
