Եվրամիությունն իր աջակցությունն է հայտնում Մինսկի խմբի համանախագահների ձեռնարկվող քայլերին, ինչպես նաև պատրաստ է որոշակի հանձնառություն առնել կողմերի միջև վստահություն հաստատելու և ամրապնդելու գործում:
Այս մասին այսօր ԵՄ հատուկ ներկայացուցիչ Հերբերտ Զալբերի հետ հանդիպումից հետո լրագրողների հետ զրույցում ասաց Լեռնային Ղարաբաղի Հանրապետության արտաքին գործերի նախարար Կարեն Միրզոյանը՝ ապա հավելեց. «Մենք բոլորս էլ հասկանում ենք, որ ստեղծված իրավիճակում Ադրբեջանն իր պահվածքով ուղղակի ահավոր հարված հասցրեց կողմերի միջև վստահությանը»:
Նախարարն ընդգծեց, որ միջազգային հանրության ջանքերն առաջին հերթին պետք է ուղղված լինեն, որպեսզի չեզոքացվի Ադրբեջանի ապակառուցողական պահվածքը:
«Միայն դրանից հետո մենք կարող ենք խոսել որոշակի ջանքերի մասին, որոնք ուղղված կլինեն կողմերի միջև վստահության ձեռքբերմանը»,-նշեց ԼՂՀ արտգործնախարար Կարեն Միրզոյանը:
.gif)
