ԱՄՆ նախագահի թեկնածուներ Հիլարի Քլինթոնն ու Դոնալդ Թրամփը 20 օրվա ընթացքում երրորդ և վերջին հեռուստադեբատների ժամանակ բանավիճել են զենքի, ներգաղթի, աբորտների և Պուտինի մասին, գրում է BBC-ն:
Հեռուստադեբատները սկսվել են զենքի կրման իրավունքի մասին հարցով:
Թրամփն ասել է, որ կպաշտպանի զենքի կրման մասին սահմանադրության երկրորդ փոփոխությունը: Քլինթոնը կարծիք է հայտնել, որ առավել խիստ վերահսկողությունը չի հակասում հիմնական օրենքի փոփոխությանը: Նա առաջարկել է ստուգել զենք կրողներին:
Աբորտների մասին խոսելիս՝ Քլինթոնը խոստացել է պաշտպանել այդ իրավունքը: Թրամփը վստահություն է հանդես է եկել «կյանքի համար» և խոսել աբորտների համար կանանց «պատժելու» անհրաժեշտության մասին:
ԱՄՆ նախագահի թեկնածուները տարբեր կարծիքներ են հայտնել նաև ներգաղթի վերաբերյալ: Թրամփը կոչ է արել պատ կառուցել՝ ներգաղթյալների հոսքը դադարեցնելու համար: Քլինթը նկատել է, որ անօրինական ներգաղթյալների արտաքսումը բռնի ուժով բաժանում է մի ամբողջ ընտանիքի:
Նրանք նաև անդրադարձել են Ռուսաստանի հետ հարաբերությունների մասին հարցին:
Պատասխանելով Թրամփի այն դիտարկմանը , որ Պուտին «չի հարգում» Քլինթոնին, դեմոկրատական կուսակցության թեկնածուն ասել է, որ ՌԴ նախագահը պարզապես ցանկանում էր, որպեսզի նախագահական աթոռին նստեր իր «խամաճիկին»՝ նկատի ունենալով Թրամփին:
CNN-ի փոխանցմամբ՝ հեռուստադեբատների արդյունքում հաղթանակ է տարել ԱՄՆ նախագահի թեկնածու Հիլարի Քլինթոնը՝ 52-39 ձայների հարաբերակցությամբ:
.gif)
