Նոյեմբերյանում տեղի է ունեցել ավտովթար՝ հրդեհի բռնկմամբ

Մայիսի 12-ին` ժամը 12:50-ին, 911 ծառայությանն ահազանգ է ստացվել, որ Տավուշի մարզի Նոյեմբերյան քաղաքի կենտրոնում տեղի է ունեցել ՃՏՊ՝ հրդեհի բռնկմամբ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Երևանյան փողոցում բախվել են «ՈՒԱԶ» (վարորդ՝ Մ.Դ., ծնված 1997 թ.) և «Mercedes» (վարորդ Վ.Փ., ծնված 1987 թ.) մակնիշների ավտոմեքենաները. տուժածներ չկան:

Հրդեհը մեկուսացվել է ժամը 13:10-ին, մարվել՝ 13:20-ին:

Այրվել են ավտոմեքենաների առջևի հատվածները՝ ամբողջությամբ և սրահները՝ մասամբ: