ԼՈՒՐ ԿԱԴՐ

Լուսանկարը՝ համացանցից

Ֆեյսբուքյան էջում Երեւանի քաղաքապետ Տիգրան Ավինյանը  տեղեկացրել է, որ չշահագործվող եւ ավերված գեղասահքի եւ տափօղակով հոկեյի մանկապատանեկան մարզադպրոցը միջազգային չափորոշիչներին համապատասխան լուծումներ կստանա։

ՔԱՂԱՔԱՑԻԱԿԱՆ

ՀԱՐՑ. Ո՞վ է փորձնակը, ինչպե՞ս դառնալ փորձնակ:

Նարինե Առաքելյան (41 տարեկան)

ՊԱՏԱՍԽԱՆ. Փորձնակը օրենքով սահմանված կարգով համապատասխան մարմիններում աշխատանքային փորձ ձեռք բերելու համար գրանցված անձն է:

Քաղաքացիական ծառայության գրասենյակ

«ԺՈՂՈՎՈՒՐԴ». Փորձնակների ցանկում, դիմումի համաձայն, կարող են ընդգրկվել վարկանիշային ցուցակում ընդգրկվելու համար թեստավորման արդյունքում առնվազն 30 միավոր հավաքած քաղաքացիները: Համապատասխան մարմինը, ուսումնասիրելով քաղաքացիական ծառայության տեղեկատվական հարթակում տեղադրված փորձնակների ցանկը, ընտրում է համապատասխան մարմնի փորձնակի աշխատանքային ծրագրի պահանջներին համապատասխանող անձին:

ԿԱՐԳ

ՀԱՐՑ. Ո՞վ է հեղինակային իրավունքի իրավատերը:

Հռիփսիմե Խանամիրյան (29 տարեկան)

ՊԱՏԱՍԽԱՆ. Հեղինակ է ճանաչվում այն ֆիզիկական անձը, ում ստեղծագործական, մտավոր աշխատանքի արդյունքում ստեղծվել է ստեղծագործությունը («Հեղինակային իրավունքի եւ հարակից իրավունքների մասին» ՀՀ օրենքի 6-րդ հոդված):

Հեղինակը կարող է իր բացառիկ գույքային իրավունքները փոխանցել կամ օգտագործման թույլտվություն  տրամադրել այլ անձանց, որոնք, հեղինակից ձեռք բերելով այդ իրավունքները, դառնում են ստեղծագործության նկատմամբ հեղինակային իրավունքի իրավատեր:

Մտավոր սեփականության գրասենյակ

«ԺՈՂՈՎՈՒՐԴ». Հեղինակային իրավունքով պահպանվող ստեղծագործությունների հեղինակները եւ նրանց ժառանգներն ու իրավահաջորդները (որոնք սովորաբար կոչվում են իրավատերեր) օգտվում են «Հեղինակային իրավունքի մասին» օրենքով տրամադրվող իրավունքներից։