ԱՄՆ-ն հայտարարել է նոր հակառուսական պատժամիջոցների մասին՝ կապված Նավալնիի կյանքից զրկվելու հետ

Ուրբաթ օրը՝ փետրվարի 23-ին, Միացյալ Նահանգները կհայտարարի նոր հակառուսական պատժամիջոցներ՝ կապված Ալեքսեյ Նավալնիի մահվան հետ, ասել է Սպիտակ տան ազգային անվտանգության խորհրդի ռազմավարական հաղորդակցության համակարգող Ջոն Քիրբին։ Նրան մեջբերում է Reuters-ը։

Պաշտոնյայի խոսքով՝ սահմանափակող միջոցները «Ռուսաստանին պատասխանատվության կենթարկեն պարոն Նավալնիի հետ կատարվածի համար»։ Քիրբին չի հստակեցրել պատժամիջոցների հայտարարված փաթեթի բովանդակությունը։

Ավելի վաղ եվրոպական դիվանագիտության ղեկավար Խոսեպ Բորելը Ռուսաստանից պահանջել էր միջազգային հետաքննություն անցկացնել Նավալնիի մահվան կապակցությամբ։