Armlur.am լրատվականն այսօր Կոտայքի մարզպետ Կովալենկո Շահգալդյանից փորձեց պարզել` ո՞րն է եղել ՀՀ նախկին վարչապետ Տիգրան Սարգսյանի ամենամեծ բացթողումը, որի պատճառով նա հրաժարական տվեց:
Կովալենկո Շահգալդյանի խոսքով` ՀՀԿ ԳՄ-ի երեկվա նիստից հետո Էդուարդ Շարմազանովը հստակ ասաց, որ դա նրա անձնական ցանկությունն է եղել:
«Ես էլ համակարծիք եմ նրա ասածի հետ»,- ասաց Կոտայքի մարզպետը:
-Իսկ Տիգրան Սարգսյանի գործունեության մեջ բացթողումներ եղե՞լ են:
-Ամեն մեկն էլ իր գործունեության մեջ ունենում է բացթողումներ: Պարզապես բացթողումները դառնում են ճակատագրական, կամ էլ չեն դառնում ճակատագրական: Չեմ կարծում` մեր վարչապետը ճակատագրական բացթողումներ է ունեցել:
-Պրն Շահգալդյան, երեկ ՀՀ ԱԺ նախագահ Հովիկ Աբրահամյանը ԳՄ նիստից հետո եղել է Կոտայքի մարզում: Արդյոք Ձեզ հետ հանդիպե՞լ է:
-Ոչ, նման բան չի եղել: Հովիկ Աբրահամյանը Կոտայքի մարզում եղել է ՀՀԿ-ի նիստից առաջ:
-Իսկ Ձեզ հետ հանդիպում եղե՞լ է, թե ոչ:
-Ես Կոտայքի մարզպետի տարածքային կազմակերպության խորհրդի նախագահն եմ: Ես ներկայացնում էի հաշվետվություն ՝ մասնավորապես հաշվետու ժամանակահատվածում կատարված աշխատանքները, որին ներկա էր նաև Հովիկ Աբրահամյանը:
Սոնա Դավթյան
.gif)
