Վաղ առավոտից ArmLur.am-ը ահազանգեր է ստանում, որ եղանակի պատճառով մի շարք ինքնաթիռներ չեն կարողանում վայրէջք կատարել Զվարթնոց օդանավակայան։
Հայաստանի Քաղավիացիայից պարզաբանել էին, որ մի շարք թռիչքներ հետաձգվել են, իսկ մոտավորապես 8 ռեյս վայրէջք են կատարել իրենց պահեստային օդանավակայաններում, հիմնականում Թբիլիսիի։
Վիեննայից Երևան ժամանող ինքնաթիռը ևս մառախուղի պատճառով իջել է Թբիլիսիի օդանավակայան ու Երևան դեռ չի ժամանել։ Ընդ որում, քաղաքացիների մի մասին առաջարկել են հետ վերադառնալ Վիեննա, մի մասն էլ եկել է Թբիլիսի։
Պարզվում է, որ անորոշ իրավիճակն այսքանով չի ավարտվում։
ArmLur.am-ը Վիեննա-Երևան OS 425114 թռիչքի ուղևորներից ահազանգեր է ստանում, որ իրենց ուղեբեռերը անհետացել են, Թբիլիսիի օդանավակայանից քաղաքացիներին ասել են, որ իրենց ուղղաթիռը վայրէջք է կատարել առանց ուղեբեռի։
ArmLur.am-ը կապ հաստատեց նաև «Ավստրիական ավիաուղիներ»-ի հայաստանյան մասնաճյուղի հետ, որտեղից էլ ասացին, թե պետք է օդանավակայանի կորած և գտնված ուղեբեռների բաժին դիմեն։
Ստացվում է քաղաքացիներին անհարմար ու անորոշ վիճակի մեջ են դրել ու չկա մի կառույց, որը կպարզաբանի ուղեւորներին, թե ինչ է սպասվում իրենց ուղեբեռներին, ինչպես կարող են գտնել այն։
Մանրամասները՝ տեսանյութում
Քրիստինա Մուշեղյան
.gif)
