Իսրայելի նախագահ Իսահակ Հերցոգը չորեքշաբթի օրը հայտարարել է, որ երազում է այն ժամանակների մասին, երբ կկարողանա մեքենա նստել և Իսրայելից Բեյրութ մեկնել՝ լիբանանցիների և քաղաքի բնակիչների հետ բարեկամանալու համար։
«Իմ երազանքն է նստել մեքենաս և ուղիղ Բեյրութ գնալ, այցելել այս գեղեցիկ քաղաքը, ընկերանալ Լիբանանի բարի մարդկանց հետ, նրանց հետ, ովքեր մեզ հետ աղոթում են ավելի լավ ապագայի համար», – ասել է Հերցոգը հրեական պետության անկախության օրվա առթիվ կազմակերպված նախագահական ընդունելության ժամանակ։
Արտասահմանյան դիվանագետների հետ զրույցում Հերցոգը նշել է, որ կցանկանար տեսնել տարածաշրջանի ավելի շատ երկրներ, որոնք միանում են Աբրահամի համաձայնագրերին՝ Իսրայելի հետ հարաբերությունները կարգավորելու համար՝ հետևելով ԱՄԷ-ի և Բահրեյնի օրինակին։
«Իսրայելը հանձնառու է համագործակցել բոլորիդ հետ՝ օգնելու ձևավորել այնպիսի Մերձավոր Արևելք, որտեղ մեր բոլոր որդիներն ու դուստրերը կարող են ժառանգել հնարավորություն, այլ ոչ թե վախ», – օտարերկրյա դիվանագետներին ասել է Իսրայելի նախագահը։
.gif)
