Ֆուտբոլի երեք խոշոր տարածաշրջանային կառույցներ՝ AFC-ն, ՈՒԵՖԱ-ն և ԿՈՆԿԱԿԱՖ-ը, համատեղ հայտարարությամբ կոշտ քննադատության են ենթարկել ՖԻՖԱ-ի նախագահ Ջանի Ինֆանտինիոյին՝ Աշխարհի առաջնության և Ակումբային աշխարհի առաջնության որոշ իրավունքներ մասնավոր կապիտալին վաճառելու առաջարկի համար։
Կազմակերպությունները հայտարարել են, որ այդ նախաձեռնությունը «վստահության հիմնարար խախտում» է եղել և պահանջել են ծրագրի լիովին անկախ, երրորդ կողմի կողմից վերանայում։ Նրանց խոսքով՝ ՖԻՖԱ-ի վարչակազմը չպետք է մասնակցի այդ գործընթացին։
Երեք կառույցները նաև քննադատել են Ինֆանտինիոյի կողմից ճգնաժամի ընթացքում կազմակերպված հանդիպումը, որին, ըստ իրենց, ներկա է եղել միայն մեկ ընտրված պաշտոնյա, իսկ անդամ ֆեդերացիաները չեն հրավիրվել։ Նրանք ընդգծել են, որ ֆուտբոլում ղեկավարությունը պետք է հիմնված լինի հաշվետվողականության և վստահության վրա։
Ինֆանտինիոն, սակայն, շարունակում է ունենալ զգալի աջակցություն։ Աֆրիկյան ֆուտբոլի կոնֆեդերացիան և հարավամերիկյան ԿՈՆՄԵԲՈԼ-ը նրա կողքին են, իսկ ՖԻՖԱ-ի անդամ շուրջ 70 ֆեդերացիաներ հրապարակայնորեն հայտարարել են, որ պատրաստվում են աջակցել նրա թեկնածությանը։ Միաժամանակ մոտ տասնյակը հրաժարվել է նախկինում տված աջակցությունից կամ հայտարարել է, որ չի քվեարկելու նրա օգտին։
Այսպիսով, ՖԻՖԱ-ի նախագահի շուրջ առաջացած ճգնաժամը վերածվել է ֆուտբոլային աշխարհի ներսում լուրջ պառակտման։
.gif)
