Մայիս 6, 2012

Մեր տեղեկություններով Տաշիրի 32/04 ընտրատեղամասում  դեռ շարունակվում են լցոնումներ կատարել: Հիշեցնենք, որ այստեղ գրեթե ամբողջ օրվա ընթացքում արձանագրվեցին բազմաթիվ ընտրախախտումներ եւ բաց քվեարկություն, որի մասին armlur.am-ը իր հրապարակումներում անդրադառձել էր:     

Քիչ առաջ  հանրապետության բոլոր տեղամասերում ավարտվեց ընտրական գործընթացը, և առաջիկա ժամերին չօգտագործված քվեաթերթիկների մարելուց հետո կսկսվի քվեների հաշվումը: Շուտով ԿԸՀ-ն մասնակիցների վերաբերյալ թիվ կհրապարակի, իսկ քվեարկության արդյունքների վերաբերյալ առաջին տվյալները սպասվում են կեսգիշերն անց: 

armlur.am-ի թղթակիցը մեզ կրկին տեղեկացրեց, որ Վարդենիսի թիվ 23/39 ընտրատեղամասում վիճակը շատ խառն է. մի քանի հոգի, որոնք արդեն բազմիցս քվեարկել են, ցանկանում են նորից մտնել ընտրատեղամաս: Այս իրավիճակի պատճառով ցանկանում են ընտրատեղամասը մի քանի րոպե շուտ փակել:  

Արարատի մարզի Մասիսի տարածաշրջանի Նորաբաց գյուղի բնակչուհի Մարուսյա Դանիելյանը  armlur.am  -ին  ահազանգեց, որ իր անունը չի եղել ընտացուցակներում: Մասիսի անձնագրային բաժնում նրան տեղեկացրել են, որ ինքը հաշվառված չէ այդ հասցեում: Դանիելյանը վստահեցնում է , որ 2007 թվականից սկսած բոլոր ընտրական գործընթացներին մասնակցել է նշված համայնքում: Վերջինս դրա մեջ դիտավորություն է տեսնում: 

Դավիթաշեն վարչական շրջանի 5/6 ընտրատեղամասից մեր թղթակիցը հայտնում է, որ մի ընտրող 2 ծրարներն էլ քվեախցիկում է թողել: Ինչ-որ մեկը (ըստ լուրերի՝ ՀՀԿ-ական) վերցրել է այդ ծրարները, բացել ու նայել, ապա պատռել է մեծամասնականի ծրարը, իսկ համամասնականինը գցել քվեատուփի մեջ: Հանձնաժողովի անդամ Միլա Խալափյանը կնքել է ծրարը:

Թիվ 37 ընտրատարածքում առաջադրված պատգամավորության թեկնածու, անկուսակցական Վարազդատ Վարդազարյանը armlur.am-ի թղթակցի հետ հեռախոսազրույցում ասաց, որ Սյունիքի գրեթե բոլոր ընտրատեղամասերում ընտրություններն  ընթանում են  կատարելագործված  ընտրախախտումներով.  “Դեռ առավոտից օքսիդացող կնիքներով ընտրեցին զինվորները, կարծում եմ՝ ոչ մեկ անգամ: 19:35-ի դրությամբ ՀՀԿ-ականները դեռևս մեքենաներով տեղափոխում են բնակիչներին: Ընտրախցիկներում ընտրում են երկու հոգով: Հանձնաժողովի նախագահը չի հարթում իրավիճակը”: Վ. Վարդազարյանի տեղեկացմամբ՝ …

armlur.am-ի թղթակիցը տեղեկացնում է, որ Դավիթաշեն թաղամասի 5/7 ընտրատեղամասում ԲՀԿ-ի վստահված անձ Ժուժաննա Սուքիասյանը արձանագրություն է կազմել: Ըստ վերջինիս արձանագրության` ցուցակները պետք է լինեն կնքված եւ կարը զմռսված: Համաձայն օրենքի` ցուցակների էջերը չպետք է լինեն անջատ: Մեր թղթակիցն ընտրատարածք հասավ այն պահին, երբ ցուցակները կարվում էին: Ժուժաննա Սուքիասյանն իր մտավախությունը հայտնեց, որ հնարավոր է՝ ցուցակները …

armlur.am-ի թղթակիցը հաղորդում է, որ Նոր Նորքի 1/26 ընտրատեղամասի հարեւանությամբ գտնվող ավտոտնակներից մեկում մի քանի տասնյակ երիտասարդներ մեծ խնջույք են կազմակերպել, ու արդեն բավականին գինովցած  հայտարարում են, թե իրենք 1/26-ում հաղթել են: Նրանցից մեկը հայտարարել է, թե այդտեղ իրենք 400-ից ավել ձայն ունեն: Մեր թղթակցին չի հաջողվել  ճշտել, թե ում հաղթանակն էին տոնում հարբած երիտասարդները, …

ՀՀ թիվ 1/04 ընտրատեղամասում մի երիտասարդ  փորձել է ընտրել կեղծ անձնագրով: Դա պարզվել է այն բանից հետո, երբ երիտասարդն իրեն կասկածելի է պահել:  Նկատելով “ժառանգություն”  կուսակցության ներկայացուցիչ Ստյոպա Սաֆարյանի վստահված անձի աչալրջությունը, վերջինս  առևանգել է անձնագիրը և փախել ընտրատեղամասից: Դեպքի առթիվ կազմվել է  արձանագրություն:   “Ժառանգության” ներկայացուցիչը հավելեց, որ տղան մինչ այդ  հասցրել է քվեարկել: …

Armlur.am -ի թղթակիցը հայտնեց, որ 11/27 եւ 11/28 ընտրատեղամասերում, որոնք գտնվում են նույն տեղում, ինչ-որ մարդիկ հարձակվել են ոստիկանի վրա, հարվածել նրան, ինչի արդյունքում պատռվել է վերջինիս շրթունքը: Ըստ շշուկների՝ այդ մարդիկ ՀՀԿ-ից են: