Ադրբեջանը պատրաստ է ձեռնամուխ լինել ղարաբաղյան խնդրի հետ կապված խաղաղության մեծ համաձայնագրի նախապատրաստմանը: Մեկնաբանելով Հայաստանի և Ադրբեջանի նախագահների առաջիկա հանդիպումը, լրագրողներին ասել է Ադրբեջանի արտգործնախարար Էլմար Մամեդյարովը:
Նա նշել է, որ մի շարք առաջարկություններ են եղել զորքերի դուրս բերման, փախստականների վերադարձի, տրանսպորտի, ենթակառուցվածքների հետ կապված հարցերով զբաղվող կառույցների միջև աշխատանքային խմբեր ստեղծելու վերաբերյալ, նախարարին մեջբերում է Trend գործակալությունը:
«Ադրբեջանը պատրաստ է մասնակցել նման բանակցություններին՝ փորձագետների մակարդակով: Մենք սպասում ենք հայկական կողմի պատասխանին» – ասել է Մամեդյարովը:
.gif)
