Մի խումբ լրագրողներ այս պահին հավաքվել են ՀՀ արտաքին գործերի նախարարության առջեւ՝ պահանջելով նախարար Էդվարդ Նալբանդյանից, որպեսզի նա տեղեկություն տրամադրի՝ ինչ է անում ՀՀ ԱԳՆ-ն սահմանային այս լարված իրավիճակում:
Սակայն, ՀՀ ԱԳՆ-ն, պարզվում է, նախընտրում է գաղտնի աշխատաոճը: Armlur.am-ի թղթակիցը հայտնում է, որ ԱԳՆ խոսնակ Տիգրան Բալայանը իջել է ներքեւ, զրուցել լրագրողների հետ և ասել, թե կարող է ինքն անձամբ զրուցել լրագրողների հետ՝ ոչինչ չհրապարակելու պայմանով: Լրագրողներն առարկել են:
Բալայանը կրկին բարձրացել է նախարարություն եւ լրագրողների մոտ ուղարկել մի աղջկա, ով առաջարկել է 17:30-ն ԱԳՆ շենքում հանդիպել ԱԳ փոխնախարար Շավարշ Քոչարյանի հետ: Բայց դարձյալ նույն պայմանով՝ ոչինչ չպետք է հրապարակել: Լրագրողները կրկին մերժել են այս պահանջը՝ ասելով, որ իրենք ԱԳՆ շենք են գնացել՝ տեղեկություն ստանալու, այլ ոչ թե գաղտնի ինչ որ բաներ լսելու համար:
.gif)
